Каля 30 актывістаў руху "Маладая Беларусь" і "Маладых Дэмакратаў" прыйшлі да амбасады Польшчы ў Менску, каб ушанаваць ахвяраў жахлівае трагедыі ў аэрапорце "Паўночны" пад Смаленскам. На борце самалёту знаходзілася 96 чалавек, сярод іх Прэзідэнт Польшчы Лех Качыньскі.
Маладыя людзі запалілі сьвечкі і ўсклалі кветкі да агароджы амбасады. Пасьля была хвіліна маўчаньня ў знак памяці ахвяраў трагедыі.
Па словах лідэра руху "Маладая Беларусь" Артура Фінькевіча: "Мы вельмі засмучаныя гэтай трагедыяй, на борце самалёту знаходзіліся тыя людзі каторыя стаялі на прынцыпах маралі, годнасьці, людзі якія адстойвалі правы чалавека ва ўсім Сьвеце і ў дачыненьні да Беларусі мелі ясную і канкрэтную пазыцыю. Лех Качыньскі па праву быў і застанецца назаўжды сябрам тых людзей у Беларусі, каторыя змагаюцца за незалежнасьць, дэмакратыю, праўду і справядлівасьць. "
Рух "Маладая Беларусь" выказвае сваю падтрымку сем'ям і блізкім загінулых, а таксама ўсяму польскаму народу ў сувязі з трагедыяй.
http://mbelarus.info/bel/%D0%BD%D0%B0%D0%B2%D1%96%D0%BD%D1%8B_%D1%80%D1%83%D1%85%D0%B0/232http://maidan.org.ua/static/news/2010/1271602017.html 
